Handahófskenndar minningar og útúrdúrar

Ég fékk alltíeinu hugmynd á leið um votlendi og skóglendi Noregs að endurminningar Þórðar Sigurðarsonar yrðu ekki bara áhugaverðar heldur mögulega líka nokkuð skemmtilegar. Þrátt fyrir allt hefur líf mitt verið atburðaríkt og skemmtilegt. Staðreyndin er sú að fjöldi híbýla og fjöldi atburða og magn reynslu hefur kannski verið ögn fjölbreyttara hjá mér en hjá meðal Þórðinum í þessu aumkunarverða lýðveldi. Ég hef búið á nánast hverju einasta horni á þessu landi (ef frá eru talin norð-vestur og norð-austur hornin) og reynslan hefur sýnt mér að Íslendingar eru gott fólk, sem sakir miskunnarlausra náttúruhamfara og ytri fjárhagslegra eða menningarlegra miska hefr alltaf lútið í minni pokann fyrir sjálfu sér. Ég þakka Guði fyrir það að ég er ekki staddur á Íslandi í dag þegar eintómar endurminningar enduróma í gegnum sjónvarpsskjái landa minna um ósköpin sem dundu á þjóðinni fyrir akkúrat ári síðan þegar fjárhagskerfi HEIMSINS ( sem er í augum Íslendinga, fjárhagskerfi Íslendinga) hrundi og tók með sér móral landsins niður til helvítis og lengra. Í Noregi eru allir glaðir og hamingjan smitar útfrá sér. Hér kvartar og kveinar enginn yfir því þegar rignir ólíkt Íslendingum sem byrja að kvarta þegar það hefur rignt í 8 mínútur. Hér eru allir hjálpsamir og skilningsríkir og vilja allt gott gera, þeim sem gott eiga skilið.
Það hefðu eflaust ýmsir áhuga á að heyra atburðum lífs míns gerð skil þar sem ég hef nánast engum sagt frá þeim, nema örfáum útvöldum og einn af þeim áhugasömu yrði enginn annar en virðingarfyllstur, ég sjálfur. Ég hef þörf á sögumanni og besti sögumaðurinn er án efa sá sem segir í fyrstu persónur, og í tilviki minna eigin skrifa er það (því miður) ég sjálfur. (Obvious)

- ofanritað er af baksíðu endurminninga minna -
Handahófskenndar minningar og útúrdúrar koma út innan 60 ára. Endilega setjð inn pöntun hjá næstu bókabúð sem fyrst.... fyrstu prentanir að seljast upp!

Þórður Sigurðarson